شئ من الخوف
عندما اري كل يوم في الشارع مظاهرات
واحتجاجات واضرابات
شئ من الخوف
عندما اري في المظاهرات الامن
يضربون ويعتقلون المواطنين
شئ من الخوف
عندما ادخل قسم شرطه لتحرير مظلمه
اري أهانات الضباط والعساكر
للمواطنين الغلابه
شئ من الخوف
عندما اري شباب البلد يجلسون علي
القهاوي لعدم توفير فرص عمل لهم
شئ من الخوف
عندما اسمع ان استهلاك البلد بمبلغ
27 مليار جنيه للمخدرات
شئ من الخوف
عندما اري شباب وشابات البلد يصل
عمرهم الي 30 عام وهم بدون زواج
شئ من الخوف
عندما اري خناقه في طابور عيش علي
رغيف ويقع واحد او اتنين او اكثر
شئ من الخوف
عندما اري قري ومدن بدون ماء
ويشربون الماء الملوث ويصابون بالفيروسات والامراض
شئ من الخوف
عندما اري اللحوم استبدلت من لحوم جاموس الي لحوم حمير
وكلاب
ووصلت اسعارها من 35 جنيه الي 70 جنيه
الحزب الفاشل بما فيه من نواب تجار
الدماء الملوث ونواب ضرب الرصاص نواب القمار...... وغيرها
باطل
سياسيه مجلس الشعب
وسياسيه موافقون وضربهم لبعض
باطل
الفساد والرشوه ومص
دماء الشعب
باطل
التجاره في
المواطنين عن طريق السفر الغير شرعي
باطل
التجاره في الاعضاء
البشريه
باطل
الحكم بالقهر والقوة
باطل
تزاوج السلطه مع
المال
باطل
التزوير في
الانتخابات
باطل
التوريث
باطل
نهـــــــــــــايتك قربت ياعتريس
نهــــــــــــــــايتك
قربت يا ((ريس))
الشعب تعب ...... الشعب بيتمرد
الشعوب بيتضحك علينا ......
الشعوب بيهينوا فينا
الشعب اتخنق .......... الشعب بيثور
وبيقول بكره هيجي النور
طيب وبعدين
ردحذفللاسف منتكلم كتيييير ومفيش حاجة بتحصل
انا عن نفسي تعبت من الكلام وعارف ان عتريس خلاص قرب يغور في ستين داهية بس انا خايف لو السلبية دى استمرت يجي واحد ويتفرعن تاني ونقعد نندب حظنا وخلاص علي كدة
لازم الشعب يتغير ويفهم ويوعي وان شاء الله مش عيتكرر فيلم شىء من الخوف
معلش لو بتكلم الكلام دة في اول زيارة للمدونة الجميلة دي
تحياتي الشديدة لك
نورت طبعا ياهيثم بكلامك الجميل
ردحذفبس انا اباشر خير لانه الناس بدات تفوق وتفوق
والمظاهرات دي دليل علي كده
وانا شاء الله اللي جي هيكون كويس خلي الشعب يتقدم شويه من اللي احنا فيه ده
بارك الله فيك هيثم
وحفظك الله ودمت بخير وود وسعاده
هشام
ردحذفاولا كدا انا بعتذرلك جدا ..
لاني مقصرة جدا جدا جدا مع مدونتك :(
ثانيا البوست صريح جدا والصراحة ساعات بتكون مؤلمــة
الشيخ الشعراوي قال للريس عنخ وجا سنب"بين قوسين دا كلام بالهيروغليفي معناه : طويل العمر يطول عمره ويزهزه عصره وينصره علي مين يعاديه هاي هئ " :
اذا كنت قدرنـــا فليوفقك الله ... واذا كنــــا قدرك فليعينك الله
SoOoO ...
فليوفقه الله .. ويعينا ويصبرنا ويسترها معانا دنيا وآخرة :((
بس زي ما قال هيثم .. المفروض نعمل حاجة ايجابية
انا عن نفسي مش عارفة اعمل :(
بس اضعف الايمان بالقلب يعني .. واحنا بنعمل بالقلب وباللسان وربنا يعينا ونقدر نعمل بالايد كمان :(
انتي طبعا نورتي مدونتي المتواضعه بطلتك الجميله ياريمو وطبعا لك عذرك علشان الامتحانات ربنا يوفقك انا شاء الله
ردحذفاذا كان هو مش قادر علي متطلبات الشعب يتنازل عن الكرسي ... يعني يعمل حاجه كويس قبل ما يكون راحل .
الايجابيات المفروض نقوم بتوعيه المواطنين البسطاء نعرفهم يعني ايه تغيير ويعني ايه انتخابات
ونخدهم من ايديهم ونطلع لهم بطاقه انتخابات وندخل نرشح الاصلح
وربنا معانا ويتولنا برحمته