دنيـــــــــــــــــا

نفسي احبك ومش قادر
نفسي اعشقك ومش قادر
نفسي اضحك ليكي ومش قادر
نفسي افرح بيكي ومش قادر
وعمري ما فكرت اكرهك وكرهتك .
وعمري ما فكرت انفرك ونفرتك
وعمري ما فكرت ابغضك وبغضتك
(((( ايوة انتي يا دنيا ))))
انا كرهتك ونفرتك وبغضتك


هي الدنيا كده
هي البريئه واحنا الجناه
هي المظلومه واحنا الظالمبن
هي الصدوقه واحنا الكدابين
هي المسكينه واحنا الفراعين
صدقتي يادنيا احنا الجناه والظالمين والكدابين والفراعين
صدقتي والله

انتي اللي ضعفتي يادنيا
ولا احنا ضعفنا
طب انتي اللي بتقسي
ولا احنا اللي بنقسي
. والله يادنيا نفسي افهمك
ولا بقولك يادنيا افهم نفسي
يمكن لو فهمتي نفسك وقته افهمك

حوار بيني وبين صفوت الشريف ؟؟؟؟

السلام عليكم ورحمه الله وبركاته

اخواني الاعزاء اقدم اليكم هذا الحوار الذي يدور بين شاب يري بلده تنحدر الي منحدر تاريخي (( هشام اللول ))وبين مسئول مرموق في البلد يري ان البلد تنمو وتتقدم تقدم تاريخي (( صفوت بيه الشريف ))

وهذا النص قاله في الحزب بتاعه

واخوكم هشام هيرد عليه من وجهه نظره

ولكن الاختلاف هنا يفسد للود قضيه

علشان انا لا انتظر من ود

علشان ودهم غبي وانا لا احب الاغبياء

صفوت بيه :

أكد السيد صفوت الشريف الأمين العام للحزب، أن الحزب الوطنى سوف يستمر فى قيادة عملية التغيير الشامل فى المجتمع، وأن محاولات البعض السطو على شعارات وإنجازات الحزب هى محاولة فاشلة ومكشوفة لأن الحزب لا يبدأ من فراغ وإنما يرتكز إلى قاعدة صلبة من القدرات والإمكانيات التى تنطلق من المبادئ الأساسية للحزب وعلى البرنامج الرئاسى، وأن الحزب يخوض انتخابات مجلس الشعب القادمة بتنظيم حزبى قوى غير مسبوق، له خبراته وقدراته، وبرنامج حزبى يعكس أولويات المواطنين واهتماماتهم ويهدف إلى الارتقاء بمستوى جودة الحياة لكل الناس فى كل المحافظات،

هشام اللول :

كلام جميل ومعقول ومدروس نحويا علي اعلي مستوي وغير مدروس شعبيا علي اعلي مستوي لاننا لانريد منكم تغيير اكثر مما رايئنا وشوفنا

ولانري منكم اي جوده للحياه 

صفوت بيه :

وبخطاب سياسى وإعلامى يرتكز إلى قاعدة قوية من الإنجازات والطموحات، ويشرحها بجرأة وشفافية ويتصدى للآراء الأخرى من خلال الحوار والنقاش، وبمرشحين تم اختيارهم بعناية وثبتت قدرتهم على خدمة أبناء الدائرة التى يسعون لتمثيلها.

هشام اللول :

اي انجازات سيدي الكريم التي تتحدث عنها اننا لا نري منكم غير المفسدات واي جراه جراه فتوات الشرطه واي شفافيه شفافيه التزوير

ولا نري منكم غير تصدي البلطجه والفتونه

واي مرشحين الذي يزورن الدائره اوقات الانتخابات فقط 

صفوت بيه :

وأضاف الشريف أن تقييم انتخابات مجلس الشورى يشير إلى عدد من الدروس الهامة التى ينطلق منها الحزب للانتخابات القادمة وهى قوة التنظيم والالتزام الحزبى ووحدة قياداته وأهمية البرنامج المحلى للمرشحين فى كل دائرة.

هشام اللول :

هههههههههههههه

ضحكتني ومش كان لازمني اضحك

اي انتخابات تتحدث التي ضرب فيه بالنار علي الاخوان

الدروس الهامه هي اضربوهم بالنار يخافوا يدخلوا اللجان

وتنظيم قوات الداخليه والتزامهم بموعد اطلاق النار علي الناخبين

صفوت بيه :

وأضاف أن وجود إنجازات محلية ملموسة على الأرض هى أكبر دعاية لمرشحيه، لأن الحزب الوطنى هو حزب أفعال وليس أقوال، وأن ما تم تنفيذه فى المراكز والقرى هو الدليل العملى على جدية الحزب وحكومته وهو عنوان شفافيته ومصداقيته.

هشام اللول :

صادق ياكداب اين هي الافعال ؟

اننا لا نري الاعضاء من بعد دخولهم المجلس 

صفوت بيه :

وأضاف أن بعض القوى والعناصر خاضت تلك الانتخابات وهى تعلم مسبقاً فشلها وأنه ليس لها أرضية فى الشارع وأن هدفهم كان الإثارة وترويج أفكار مغلوطة تستهدف الخلط بين السياسة والدين خاصة بعد أن انكشف زيف شعاراتهم.

هشام اللول :

انا عارف انت قاصدك مين

والناس دي ليه ارضيه فعليه ولو اعطيت ليهم الفرصه هتلاقيهم بدل من 88 مقعد اصبحوا 180 مقعد والناس تنفيذيين مش شعارات وبس

وانتوا ليه عاوزين تبعدوا الدين عن السياسه ؟

احنا مش دوله اسلاميه برده ولا انت شايف غير كده

صفوت بيه :

وأشار الشريف إلى متابعة الحزب الوطنى للمتغيرات التى تشهدها الساحة السياسية فى مصر، مؤكداً أن هذا الحراك السياسى هو نتيجة للتحولات والتغيرات التى قادها الرئيس مبارك والحزب الوطنى بهدف تعميق المشاركة السياسية والشفافية والرقابة البرلمانية.

هشام اللول :

انت قصدك بقي التغييرات والتحولات السلبيه التي قادها مبارك

وهي الخصومات والعدواء من قبل معظم الدول العربيه

وتحجيم مصر بين الدول العربيه وفي منطقه الشرق الاوسط وفي دول حوض النيل

صفوت بيه :

وأكد الشريف أن الحزب الوطنى يقف بحسم ضد الفساد وأنه لا يحمى أى فاسد مهما كان موقعه وأن هذا هو موقف ثابت للرئيس مبارك، وأن الحزب يؤكد قيم ومبادئ الشرعية واحترام القانون، وأن الحكومة تستمد شرعيتها من تطبيق القانون على الجميع دون تمييز وبما يحقق العدالة.

هشام اللول:

بتقول ايه ,,, بتقول ايه ...... مش سامعك

اه اه قانون وايه قيم وايه شرعيه

فين ياعم انت

فين بتاع العباره فين بتاع اكياس الدم الفاسده فين بتاع ضرب النار علي المتظاهرين وفين يوسف والي وفين وفين ....... كتير قووووووي

صفوت بيه :

وأشار إلى ضرورة التصدى السريع لما تنشره أو تبثه وسائل الإعلام بشأن أية حالات انحراف أو فساد وذلك تطبيقاً لهذا المبدأ، ودعا وسائل الإعلام إلى ضرورة مراعاة المهنية والموضوعية والتعبير عن وجهات النظر المختلفة وأن الديمقراطية لا تعنى التطاول والتشكيك فى الأشخاص والمؤسسات، وإنما تتطلب عرض القضايا ونقد أى انحراف أو الكشف عن أى فساد بعد التأكد من الحقائق والمعلومات حتى لا تتحول الحرية إلى إثارة وسباق محموم لنشر الشائعات دون دليل أو سند، وأنه على المسئولين سرعة التعليق والرد على ما يثار حتى لا يترسخ فى أذهان المواطنين معلومات خاطئة أو شائعات لا أساس لها.

هشام اللول :

اعلام ايه ياباه

اما اعلام شغال ليكم

والاعلام التاني عمال يصرخ وانتوا

ودن من طين وودن من عجين

انتوا بيفرق اعلام يعني

صفوت بيه :

وأكد الشريف أن الحزب الوطنى فى برنامجه الانتخابى لمجلس الشعب ثم فى برنامج مرشحه لانتخابات الرئاسة سوف يستمر فى قيادة عملية التغيير فى المجتمع لصالح الأغلبية ووفقا لتطلعاتها فى حياة كريمة وآمنة، وأن الحزب يقرأ بكل اهتمام مدونات رجل الشارع من فلاحين وعمال وموظفين وطلاب بما تحمله من مشاكل وتطلعات وأنه الحزب الوحيد الذى يمتلك برنامجاً محدداً للتغيير الشامل، وأن الحزب يسعى لكسب ثقة وتأييد كل مواطن وكل مواطنة عن طريق العمل والإنجاز وضرب المثل والقدوة.

هشام اللول :

والله بص

من الاخر كده كفايه تغيير لحد كده علشان احنا ملينا من كتر التغيير

شكرا لسيادتك صفوت بيه واسفين لو عطلنا من وقت سعادتك

والي اللقاء
مع شخصيه اخره في القريب العاجل